東張西望│女主持街訪企到離行離列被質疑？ 新丁何孟珊有苦衷 改名重新出發

《東張西望》近來比較集中報道香港疫情問題，近日多區出現封區情況，《東張》派員採訪，前日一集新丁女主持何沛珈（原名：何孟珊）到紅磡區街訪，訪問該區的商舖老闆和街坊，會否擔心被封區 ; 後生女到殯儀業棺材店、花店都冇有怕，不過當她見到一位街坊伯伯時，見她短短幾秒的訪問，由一個身位慢慢向後退，最終企到離行離列火速完成訪問，究竟所謂何事？

棄做護士入《東張西望》│何孟珊首日做外景主持有口福 仲有邊位主持係落選港姐？【下一頁】

{{hket:inline-image name="wong4.jpg"}}{{/hket:inline-image}}

沛珈事後在IG親自解釋事件，原來有苦衷，「其實我咁驚，係因為伯伯話佢十日前喺間粥店食過嘢，而間粥店有多人確診，問我哋檢疫站喺邊，唔係想特登行咁開。」完成外景工作後，她都有快速測試檢驗，呈陰性後才鬆一口氣。重溫她訪問的片段，當時沛珈毫無防備訪問該伯伯，當伯伯稱十日前在粥店用膳過之後，她開始面有難色，不知所措，眼神向攝影師「求救」，隨行攝影師著她保持距離。雖然驚青，沛珈總算成功完成訪問，應記一功，新丁而言算是不錯。

沛珈加入《東張》只有短短一個月，還要多多學習。見昨晚一集《東張》黃耀英到被封鎖的北角東發大廈，見他戴上眼鏡、口罩照樣訪問街坊，實在是勇字當頭。

(點擊圖片放大)

【東張西望】李旻芳嬲老公IG狂睇性感女 罰跪電芯 網友剝花生教馭夫術【下一頁】

沛珈是應屆落選香港小姐，原職護士，因參選而離職，及後簽約TVB加入娛樂圈，即獲安排入《東張西望》擔任外景主持。而她近日在IG公布自己改名，她說：「大家好！我係何沛珈Roxanne，多多指教！#希望走得更遠更快更耐 #不再『孟』了 #沛珈」似乎由於「孟」跟「慢」發音相近，沛珈希望以新名字重新出發。為了做好主持工作，她更以Zoom上正音班練習咬字、發音，同時又分享一輯性感照，令人有煥然一新的感覺。

(點擊圖片放大)

責任編輯：楊安莉